«Ցեմենտի գործարանը չի կարելի փակել. մեր դիրքերը սրանով պիտի սարքենք»․ ակցիայի մասնակից

«Մի՞թե էս երկրում չկա մարդ, կոմպետենտ իշխանավոր, որ այս հարցով զբաղվի»,- Հրազդանում ցեմենտի գործարանի աշխատակիցների ակցիայի ժամանակ ասաց մասնակիցներից մեկը։ «Էս գործարանը չի կարելի փակել, սա մեր վաղվա օրն ա, մեր Հրազդանի, մեր ժողովրդի, իմ երեխու աշխատատեղն ա, էս մեր երկրի պաշտպանությունն ա, մեր դիրքերը սրանով պիտի սարքենք... Էլի թող պարսկականը բերեն, բայց մենք մրցունակ, որակով արտադրանք ենք տալիս։ Խնդրում ենք այս ժողովրդի աշխատավարձի հարցը լուծել ու նաև ասել, թե ինչ է լինելու էս զավոդի վերջը, հիմա եթե փակելու են՝ թող գան, ասեն: Մարդկանց հույսով են պահում՝ 1 ամիս, 2 ամիս, ու մենք եկել, հասել ենք էս օրին»,- ավելացրեց ակցիայի մասնակիցը։

Հիշեցնենք, որ այսօր Հրազդանի ցեմենտի գործարանի աշխատակիցները բողոքի ակցիա են իրականացրել՝ բողոքելով, որ աշխատավարձ չեն ստացել։