Ուրբաթ, 14 օգոստոսի, 2026 թ.
|
Ստեփանակերտում`   +26 °C

«Արա, բայց չորրորդ կա՞րգ». Բաբկեն Պիպոյան

«Արա, բայց չորրորդ կա՞րգ». Բաբկեն Պիպոյան
312
Երկուշաբթի, 10 նոյեմբերի, 2025 թ., 22:54

«Իրազեկ և և պաշտպանված սպառող» ՀԿ նախագահ Բաբկեն Պիպոյանի ֆեյսբուքյան գրառումը․ «Ստեղ ասում են՝ վա՜յ քու, արա՛:
Էկոնոմիկայի նախարարությունը չի՞ ուզում մի հատ էլ ֆոտոսեսիա անի ու ցույց տա, օրինակ, որ չորրորդ կարգի ցորենի հետ մի 2 բուռ էլ առաջին կարգի ցորեն է եկել:
Կպարզաբանե՞ն, արդյոք այդքան գովաբանված ցորենը որպես անասնակե՞ր է ներմուծվել, թե՞ պետության թողտվությամբ մի ֆոկուս անելու են ու դառնա «բարձրակարգ ալյուր»:
Ո՞ր փորձաքննությունով եք պարզել՝ չորրո՞րդ կարգի է, թե՞ հինգերորդ, սննդի համար պիտանի՞ է, թե՞ ոչ:
Շատ հետաքրքիր է, եթե մեկն էլ նույն ճանապարհով աթար բերի (դե մեր անասնապահության վիճակը լավ չի՝ հնարավոր է աթարի դեֆիցիտ էլ ունենանք) ու վառվող աթարի մեջ պատրաստվող ուտելիքների փառատոն կազմակերպի, նույն հավեսով համտեսելու ու նկարվելո՞ւ են:
«Արա, բայց ուզբե՞կ»-ը դառնում ա «արա, բայց չորրորդ կա՞րգ»»:

Աղբյուրը`   Բաբկեն Պիպոյան

Կարդացե՛ք նաև