Սամվել Կարապետյանի աջակիցները դատարանի բակում են. ՈՒՂԻՂ ՄԻԱՑՈՒՄ

Հակակոռուպցիոն դատարանն առավոտյան ժամը 10:00-ից քննում է ՔԿ-ի միջնորդությունը՝ գործարար Սամվել Կարապետյանի կալանքը ևս երկու ամսով երկարաձգելու մասին: Դատարանի բակում հավաքվել են Կարապետյանի աջակիցները:

«Նախաքննական մարմինը գտնում է, որ կալանքի իրավաչափության պայմանները դեռևս շարունակվում են, այսինքն՝ հիմնավոր կասկածն առկա է։ Նաև գտնում են անհրաժեշտությունը, այսինքն՝ հիմքերը, որ Սամվել Կարապետյանը կարող է ոչ իրավաչափ վարքագիծ դրսևորել, որքան էլ անհեթեթ է դա թվում»,- առավոտյան լրագրողների հետ զրույցում ասել էր պաշտպան Ռուբեն Հակոբյանը։ Վերջինիս խոսքով՝ կոչի դրվագով կալանքի առավելագույն ժամկետն արդեն սպառված է, սակայն նախաքննական մարմինը գտնում է, որ նաև տնտեսական բնույթի ենթադրյալ հանցագործություններ են առկա:

152 օր է՝ գործարարը կալանքի տակ է: