«Իշխանությունը ՔԿՀ-ները քաղբանտարկյալներով լցնելը դարձրել է ինքնապաշտպանական ռեֆլեքս»․ Վահագն Սարոյան

Ռազմական փորձագետ Վահագն Սարոյանը ֆեյսբուքյան էջում գրում է․ «Օրվա իշխանությունը քաղբանտարկյալների առկայությունից կարծես միայն ուրախանում է, իրեն կոմֆորտ է զգում:
Նրանք գիտակցում են, որ հսկայական անդունդ է առաջացել իշխանության և հասարակության միջև, դրա համար են ՔԿՀ-ները քաղբանտարկյալներով լցնելը դարձրել իրենց համար ինքնապաշտպանական ռեֆլեքս կամ կեղծ կայունության ցուցիչ:
Ամեն անգամ դատարաններում ընդդիմախոսներին փորձում են ճնշեն կալանքի ժամկետների երկարացումներով կամ տարբեր սանկացիավորումներով: Փաստաբանական հանրույթը գոռում է սարքովի ու կարովի գործերի մասին, սակայն դատարաններին ներսից սատարում են SMS գրող իշխանավորները, իսկ միջազգային տիրույթից սատարումը դրսևորվում է Հայաստանում ազատ խոսքի ոտնահարումները դատապարտող հայտարարություններ չտարածելով:
Չնայած այն բանին, որ արտաքին ուժերը քաջատեղյակ են կատարվողին և իրենց լռության ներքո այս ռեժիմն ազատորեն գործում է առանց քաղաքական պատասխանատվության»: