«Ուկրաինայի «կապիտուլյացիայից» հրճվողներին առաջարկում եմ բացել արխիվները»․ Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «Ուկրաինայի «կապիտուլյացիայից» հրճվողներին առաջարկում եմ բացել արխիվները, նորից լսել Պուտինի 2022 թ. փետրվարի 22-ի, 23-ի, 24-ի ելույթները և հիշել, թե ինչ խնդիրներ էր նա իր առջև դրել «հատուկ ռազմական գործողության» համար, հետո դա համեմատեք Ուկրաինայի կարգավորման ամերիկյան ծրագրի հետ։
Չորս տարի պատերազմից հետո իրականությունը սա է․ Պուտինը ոչ թե թելադրում է «անվերապահ կապիտուլյացիայի» պայմաններ, գլուխը կախ ընդունում է Թրամփի առաջարկած ծրագրի շրջանակը։
Այս դեպքում խոսել Ուկրաինայի «կապիտուլյացիայից» ուղղակի մանիպուլյացիա է։ Այստեղ կապիտուլյացիայի խորհրդանիշը Ուկրաինան չէ, այլ հենց Պուտինն է՝ իր մեծապետական հավակնություններով և տապալված նպատակներով»։