«Սա սոսկալի օրինակ է»․ Սամվել Հակոբյան

Երևանի ավագանու «Մայր Հայաստան» խմբակցության անդամ Սամվել Հակոբյանի ֆեյսբուքյան գրառումը․ «Նոր տեսա, թե ինչպես մի քպ մարզպետ իրեն թույլ է տալիս խոսել շատ բարեկիրթ և պրոֆեսիոնալ լրագրող Նարեկ Խաչատրյանի (news.am) հետ։ Սա սոսկալի օրինակ է, թե ինչպես են այս «դեմոկրատները» վերաբերվում զանգվածային տեղեկատվամիջոցներին և լրագրողներին։
Ճիշտ այսպիսի օրինակների պատճառով է, որ հասարակության մեջ և հատկապես ինտերնետային միջավայրում տարածվել են հայհոյանքներն ու սխալ խոսելաձևերը։ Երբ իշխանության ներկայացուցիչները և նրանց հետ կապ ունեցող մարդիկ բառապաշարի փոխարեն աղբաման են օգտագործում, բնական է, որ այս իրավիճակը վերարտադրվում է հասարակության մեջ։
Ես դեմ եմ հանրային մակարդակում ցանկացած սխալ, տգեղ և վիրավորական խոսքի՝ անկախ նրանից՝ իշխանական կողմից է, թե ընդդիմադիր։ Բայց ակնհայտ է, որ վերաբերմունքն ու արդարադատությունը չափազանց ընտրովի են․ իշխանական կողմի ներկայացուցիչները կարող են ասել ու անել ինչ ուզում են, իսկ ընդդիմադիրները կարող են կալանավորվել բառացիորեն ոչնչի համար։
Պետք է դադարել երկիրը տանել այս վտանգավոր խոսքի մշակույթի ուղղությամբ»։