«Միջազգային հանրությունը դատապարտում է ՀԱԵ նկատմամբ կիրառվող քաղաքական հետապնդումները»․ Ռոբերտ Ամստերդամ

Սամվել Կարապետյանի պաշտպանական խմբի անդամ, միջազգային իրավապաշտպան Ռոբերտ Ամստերդամը ֆեյսբուքյան էջում հրապարակել է Վաշինգթոնում կազմակերպված «Քրիստոնեության հալածանքները Հայաստանում» թեմայով քննարկման տեսանյութը՝ կից գրառմամբ․ «Միջազգային հանրությունը դատապարտում է Հայ առաքելական եկեղեցու նկատմամբ կիրառվող քաղաքական հետապնդումները։

Վաշինգթոնում կազմակերպված «Քրիստոնեության հալածանքները Հայաստանում» թեմայով քննարկմանը միջազգային իրավագետ Փիթեր Ֆլյուն, ի թիվս այլ մասնագետների, սպառիչ կերպով ներկայացրել է քաղաքական հետապնդումների իրական պատկերը Հայաստանում։
Նա ևս նկատել է՝ Հայ ազգի, Հայոց եկեղեցու բարեր Սամվել Կարապետյանի նկատմամբ նախնական կալանքը որպես պատիժ կիրառելը խիստ մտահոգիչ է»։