«Նիկոլ Փաշինյանը պարզապես սնվում է նախկին նախագահներից»․ Արման Թաթոյան

«Նիկոլ Փաշինյանը պարզապես սնվում է նախկին նախագահներից և այս 2 համակարգերն իրար ուժեղացնում են»,- ասուլիսի ժամանակ ասաց «Միասնության թևեր» քաղաքական շարժման ղեկավար, ՀՀ նախկին ՄԻՊ Արման Թաթոյանը։ «Մեր երկրում առկա է փակ համակարգ, քաղաքական համակարգը 2 թևեր ունի՝ մեկը Նիկոլ Փաշինյանն է, մյուսը՝ նախկին նախագահները։ Նիկոլ Փաշինյանը հենց այդպես էլ եկել է իշխանության՝ նախկին նախագահների ատելության վրա, նրանց ժամանակ թույլ տված սխալներից ելնելով, ու հիմա էլ երկիրը պահում է ատելության ու թշնամանքի այս փակ շղթայի մեջ։ Եվ այնպես է ստացվել, որ այս 2 համակարգերն առանց իրար գոյություն ունենալ պարզապես չեն կարող, և այսպես երկիրը մշտապես մնացել է անցյալում։ Սրա արդյունքում ստացվում են ամենաաբսուրդային բաները, որոնք մեր երկրի անվտանգության, մարտահրավերների տեսանկյունից ուղղակի կործանանար են»,- հավելել է Թաթոյանը։