«Հրավիրվե՞լ են այն իրավապաշտպանները, ովքեր նախկինում փոքր-ինչ քաղաքական ենթատեքստ ունեցող առիթներով աղաղակում էին». Տաթևիկ Սողոյան

Լիդյա Մանթաշյանի պաշտպան Տաթևիկ Սողոյանը հիմնական զեկուցող ԱԺ «Հայաստան» խմբակցության պատգամավոր Էլինար Վարդանյանից հետաքրքրվեց. «Այս լսումներին հրավիրվե՞լ են այն իրավապաշտպանները, ովքեր նախկինում ամեն մի փոքր-ինչ քաղաքական ենթատեքստ ունեցող առիթներով աղաղակում էին: Հրավիրվե՞լ են այն իրավապաշտպանները, ովքեր գտնում են, որ Լիդյայի կալանքի որոշման տակ պատվիրովի արդարադատություն չկա»: Վարդանյանն ասաց. «Նշված մարդիկ, ովքեր ընտրովի եզրակացություններ են տալիս քաղաքական գործերին, չեն հրավիրվել: Իսկ այն իրավապաշտպանները, ովքեր արձագանքել էին հակաօրինականություններին, հրավիրվել են, բայց տարբեր պատճառներով ներկա գտնվել չեն կարողացել»:

ԱԺ-ում լսումներ են՝ «Հայաստանի Հանրապետությունում առկա քաղբանտարկյալների և նրանց խախտված իրավունքների վերականգնման մասին» ընդդիմադիր խմբակցությունների ներկայացրած հայտարարության նախագծի վերաբերյալ: