«Կարող են դնել նաև այն մարդկանց նկարները, ովքեր պադյեզդներում մարդկանց ծեծում էին». Ալեն Սիմոնյան

«Լավ ա, որ նկարներ են դրել, որպեսզի ինչ-որ չափով դահլիճը լրացված լինի: Կարող են մնացած տեղերում, որտեղ մարդ չկա նստած, էլի նկարներ դնեն, օրինակ, անցյալից»,- լրագրողների հետ զրույցում ասաց ԱԺ նախագահ Ալեն Սիմոնյանը: «Էն մարդկանց նկարները դնեն, ովքեր լրագրողների ծնոտ էին կոտրում, պադյեզդներում մարդկանց ծեծում էին, հեռուստաալիքներ էին փակում»,- շարունակեց նա:

ԱԺ-ում լսումներ են՝ «Հայաստանի Հանրապետությունում առկա քաղբանտարկյալների և նրանց խախտված իրավունքների վերականգնման մասին» ընդդիմադիր խմբակցությունների ներկայացրած հայտարարության նախագծի վերաբերյալ: