Ուրբաթ, 16 հունվարի, 2026 թ.
|
Ստեփանակերտում`   +2 °C

Մարզպետների աշխատակազմերին կհատկացվի 1 մլրդ 708 մլն դրամ՝ 12 համայնքի 15 սուբվենցիոն ծրագրերի համար

Մարզպետների աշխատակազմերին կհատկացվի 1 մլրդ 708 մլն դրամ՝ 12 համայնքի 15 սուբվենցիոն ծրագրերի համար
432
Հինգշաբթի, 27 նոյեմբերի, 2025 թ., 12:30

Կառավարության քննարկմանն է ներկայացվել ՀՀ համայնքների ենթակառուցվածքների զարգացմանն ուղղված սուբվենցիոն ծրագրերը 2025 թվականի պետբյուջեից համաֆինանսավորման միջոցով մարզպետների աշխատակազմերին 1 մլրդ 708 մլն դրամ հատկացնելու վերաբերյալ որոշման նախագիծը:

ՏԿԵ նախարարի տեղակալ Քրիստինե Ղալեչյանը, ներկայացնելով նախագիծը, նշեց, որ նախագծով առաջարկվում է համաֆինանսավորել 12 համայնքի 15 սուբվենցիոն ծրագրերը:

«Սույն որոշման հաստատմամբ կունենանք 2025 թվականի պետբյուջեից 18 մլրդ 76 մլն դրամի համաֆինանսավորված սուբվենցիոն ծրագրեր»,- նշեց փոխնախարարը:

Վարչապետ Նիկոլ Փաշինյանը թվարկեց ավարտված և ընթացքի մեջ գտնվող համաֆինանսավորվող ծրագրերը։