Հրդեհների հետևանքով բազմաթիվ վայրի կենդանիներ լքել են իրենց բնական միջավայրը և կարող են հայտնվել համայնքներին շատ մոտ

Նախարար Համբարձում Մաթևոսյանը այցելել է Տավուշի մարզ՝ ծանոթանալու վերջին օրերին «Դիլիջան» ազգային պարկում ու հարակից տարածքներում տեղի ունեցած հրդեհների հետևանքներին
«Բացի հակահրդեհային կանոնների խստագույն պահպանման անհրաժեշտությունը, մենք կանգնած ենք մեկ կարևոր խնդրի առաջ ևս․ անտառային հրդեհների հետևանքով բազմաթիվ վայրի կենդանիներ լքել են իրենց բնական միջավայրը և կարող են հայտնվել համայնքներին կամ բնակելի հատվածներին մոտ»,- նշել է նախարար Մաթևոսյանը:
Նման դեպքերում պետք է անհապաղ դիմել համապատասխան ծառայություններին՝ ապահովելու համար ինչպես մարդկանց, այնպես էլ կենդանիների անվտանգությունը։