«Շրջանառվում են գրիպի A(H3N2) տիպի վիրուսները․ լավագույն կանխարգելումը պատվաստումն է»․ Անահիտ Ավանեսյան

2587

Երեքշաբթի, 02 դեկտեմբերի, 2025 թ., 22:24

Առողջապահության նախարար Անահիտ Ավանեսյանի ֆեյսբուքյան գրառումը․ «Հայաստանում նկատելի է սեզոնային վիրուսների ակտիվացում: Շրջանառվում են գրիպի A(H3N2) տիպի վիրուսները. ախտանշաններն են՝
բարձր ջերմություն (39 - 40C), հազ, քթահոսություն, մկանահոդացավ:
Շրջանառվում են նաև ռինո-, բոկա-, ադենովիրուսներ և պարագրիպի հարուցիչները։
Սուր շնչառական վարակների սեզոնին ԿԳՄՍ-ի հետ համատեղ նախադպրոցական ու դպրոցական հաստատություններում ներդրվել է «համաճարակային ֆիլտր», որի սահմանաչափը գերազանցելու դեպքում ուսուցումը անցնում է հեռավար ձևաչափի։
Գրիպի լավագույն կանխարգելումը պատվաստումն է, որը
նվազեցնում է հիվանդանալու հավանականությունը,
թեթևացնում է հիվանդության ընթացքն ու բարդությունները։
Պատվաստվեք այսօր՝ պաշտպանելով ձեզ և շրջապատին»:

Աղբյուրը` Անահիտ Ավանեսյան