«Ամոթ է 21-րդ դարում այս ղասաբի գործն անվանել «մասնագիտական»»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը՝ կից լուսանկարներով․ «Նախկինների օրոք այլանդակվեց Ազատության պողոտայի չքնաղ սպիտակ բարդիների ծառուղին, եկան ներկաները ու ավերելով, սոսկալի վնասում են մեր առողջությանը՝ կոտրելով ԾԱՌ-ՕԴ- ԹՈՔԵՐ համակարգը։ Նկարների բոլոր ծառերը դատապարտված են։ Սա՞ է կրթում ՀՈԱԿ-ի գլխավոր դենդրոլոգը, Ագրարային համալսարանի դոցենտը։ Ամոթ է, ի վերջո, 21-րդ դարում այս ղասաբի գործը անվանել «մասնագիտական»։
Խոսքս իշխող ուժի ներկայացուցիչներին եմ ուղղում, ձեր մեջ, ցավից ոռնացող ու քաղաքը լքող հասուն ծառերը պաշտպանող և օբյեկտիվորեն ճիշտը փնտրող չկա՞: Կազմակերպեք լսումներ, քննարկեք հարցը, ինչպե՞ս կարելի է ընդունել սա… Դիմեք միջազգային փորձագետներին, թող քաղաքապետարանի մասնագետներին կրթեն, ձեր կառավարման օրոք բույսերի վիրահատարանում ecocid է, սենց տեմպերով խեղդամահ ենք լինելու Երևան կոչվող սուզանավում»։