««Հայրենասերներին» առաջարկում եմ այլ հետաքրքրություն գտնել». Նարեկ Զեյնալյան

«Սուրբ Գրիգոր Լուսավորիչ» ԲԿ-ի տնօրեն Նարեկ Զեյնալյանը, ֆեյսբուքյան իր էջում անդրադառնալով համացանցում տարածված տեսանյութին, գրել է․ «Ինձ համար անհասկանալի և անընդունելի է, երբ շահարկում են հիվանդ տեղափոխող այլ պետության շտապ օգնության մեքենան և քաղաքական երանգավորում տալիս՝ անկախ այն հանգամանքից, թե որ պետության շտապ օգնության մեքենա է։
Հիմա դեպքի հետ կապված.
Ազգությամբ եզդի, Հայաստանի Հանրապետության քաղաքացուն, Ֆրանսիայի Կոլմար քաղաքից, շտապ օգնության մեքենայով տեղափոխել են Հայաստան՝ Սուրբ Գրիգոր Լուսավորիչ բժշկական կենտրոն։
Հ.Գ. «Հայրենասերներին» առաջարկում եմ ինչ որ այլ հետաքրքրություն գտնել իրենց կյանքում. մասնավորապես ոմն Լառա Մուրադյանին»։