«Բանակի նոր համազգեստի նմուշներն ընդունվում են փորձարկման»․ Նիկոլ Փաշինյան

Վարչապետ Նիկոլ Փաշինյանը ֆեյսբուքյան էջում գրել է ․ «Բանակի համազգեստի նմուշներն ընդունվում են փորձարկման»՝ կից տեսանյութով, որտեղ պաշտպանության նախարար Սուրեն Պապիկյանի հետ քննարկել է զինվորական նոր համազգեստի հարցը։

Պապիկյանը զեկուցել է, որ արդեն ստացել են նոր համազգեստի նմուշները:

«Պլանը հետևյալն է. մենք դա փորձարկում ենք և հաստատում ենք, որ այն է, ինչ որ մենք ուզում ենք ու արդեն ձեռք ենք բերում ամբողջ բանակի համար: Ես ճիշտ եմ, չէ՞, հասկանում, որ առնվազն դիզայնի էլեմենտները հատուկ արված են մեզ համար և մեր պատվերով»,- հետաքրքրվել է վարչապետը:

«Այո՛, պարոն վարչապետ, կոչվում է հայկական կոմուֆլյաժ. այն ամբողջությամբ մեր պատվերով է, մեր պայմանների համար նախատեսված»,- նշել է պաշտպանության նախարարը: