«Ճնշման և վտանգ զգալու արդյունքում թոշակները բարձրացրին»․ Նարեկ Կարապետյան

«Թոշակները բարձրացնելու առումով ես համարում եմ, որ սա ընդհանուր ընդդիմության և իշխանության կողմից վտանգի զգացողության արդյունքն էր»,- այս մասին այսօր լրագրողների հետ զրույցում նշեց «Ուժեղ Հայաստան» կուսակցության հիմնադիր Նարեկ Կարապետյանը։

«Պետական բյուջեում չկար դրված թոշակը բարձրացնելու ծրագիր․ պետությունը չուներ նման ծրագիր, և մենք սա համարում ենք հաղթանակ։ Մենք ուրախ ենք այս փաստի համար, որ վերջապես այսքան տարիներ հետո թոշակի այսպիսի բարձրացում եղավ»,- նշեց Կարապետյանը։

Անդրադառնալով հարցին, թե արդյոք սա ընտրակաշառք չէ, Կարապետյանը պատասխանեց. «Թող մարդկանց համար դրական ազդեցություն թողնի, ովքեր 35000 դրամ են ստանում, թող իրենց համար դրական ազդեցություն թողնի, մարդիկ ունեն բարձր իրավագիտակցություն, բարձր գիտակցություն, կարծում եմ, որ ինչ էլ ուզենան անեն, մարդիկ իրենց կարծիքը կասեն։ Բայց վերջապես դրական արդյունք եղավ, այսքան տարիներ հետո լուրջ փոփոխություն եղավ․․․ Ճնշման և վտանգ զգալու արդյունքում իրենք նախատեսեցին և թոշակները բարձրացրին։