«ՀՀ-ն նման է այն տանը, որի տանիքը բաց է, սակայն տնեցիները պատերը ներկել են ու քեֆ են անում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Հայաստանը նման է այն տանը, որի տանիքը ձմռանը ծակված է, բաց է, սակայն տնեցիները տան պատերը ներկել են և ճոխ քեֆեր են անում։ Առաջիկա ընտրություններում քվեներ ստանսլու համար պարտադիր զինծառայության ժամկետը կես տարով կրճատել են, այսինքն՝ բանակի թվաքանակը կրճատել են, իսկ Իլհամ Ալիևը շարունակում է զինել Ադրբեջանի բանակը, պահանջներ ներկայացնել և սպառնալ Հայաստանին։ Մեծ իշխանավորները հսկայական պարգևավճարներ են ստանում, կոճակ սեղմող պատգամավորները 3 միլիոնական դրամ պարգևավճար ստացան տարեվերջին։ Երկրի բրախած վիճակը, Հայաստանի ավելի քան 14 միլիարդ դոլար պետական պարտքը ու ձեր ստացած միլիոնավոր դրամ պարգևավճարները։ Հայաստանում Նիկոլ Փաշինյանի սարքած «Երկրի հակառակ կողմն» է, բոլոր առումներով թարս վիճակ է, թեև Փաշինյանն այն «Իրական Հայաստան» է կոչում»: