«Առաջարկում եմ՝ դուք էլ միանաք մաքրապատմանը»․ Վահե Մխիթարյանը՝ Արեն Մկրտչյանին

ԶՊՄԿ նախկին աշխատակից Վահե Մխիթարյանը ֆեյսբուքյան իր էջում գրել է․ «Արեն Մկրտչյան,
ՀՀ Լոռու մարզպետարան․

Պարոն մարզպետ, արդեն 4 տարի է, ինչ կամավոր մաքրապատում եմ ՀՀ տարբեր համայնքներում և խոսում եմ միայն գործով հաստատվող փաստերի մասին։
Ձեր արձագանքին ի պատասխան՝ հանդես եմ գալիս կոնկրետ առաջարկով․ գարնանը, երբ ձյունը հալվում է և Վանաձորի իրական սանիտարական վիճակը ամբողջությամբ տեսանելի է դառնում, պատրաստ եմ մեկ շաբաթով գալ Վանաձոր և ամեն օր առնվազն 8 ժամ իրականացնել մաքրապատում։
Առաջարկում եմ, որ այդ ընթացքում Դուք էլ՝ աշխատանքից հետո, առնվազն 2 ժամ միանաք այս մաքրապատմանը։ Ամբողջ գործընթացը կարող է լինել հրապարակային, փաստագրված (տեսանկարահանում, լուսանկարներ) և բաց հանրային վերահսկողության համար։
Այսպես յուրաքանչյուրն իր անձնական օրինակով կցուցադրի իր «մաստեր կլասը», իսկ հանրությունը կտեսնի ոչ թե խոսք, այլ իրական աշխատանք։
Վստահ եմ՝ սա շատ ավելի օգտակար և կրթող կլինի հանրության համար, քան փոխադարձ մեկնաբանությունները»։