«Թեհրանը թերագնահատում է սպառնալիքը». Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը. «Իրանը ցնցած արյունալի վերջին բախումները ներքին սուր դիմակայության արդեն երրորդ դրվագն են 2018-ից ի վեր։ Զոհերի թիվը տասնապատիկ, հարյուրապատիկ աճ է գրանցել։ Անվիճելի է, որ այս ընթացքում էապես խարխլվել են գործող իշխանության դիրքերը թե դրսում, թե ներսում։ Կղերապետությունը նախընտրեց որդեգրել «պաշարված ամրոցի» մարտավարություն և չցանկացավ կամ չկարողացավ սեփական խաղը կազմակերպել թշնամու դաշտում։ Իմ կարծիքով, պաշտոնական Թեհրանը թերագնահատում է սպառնալիքը և գործը բանակցությունների միջոցով իր համար ընդունելի պայմաններով ավարտելու հույս է պահում։ Գործող վարչակազմի թշնամիների համար կղերապետության տապալումն այլընտրանք չունի՝ դա կլինի պատերազմով, հեղափոխությամբ կամ, ավելի ճիշտ, այդ երկուսի համադրությամբ։ Ընդ որում գործընթացն ավարտին հասցնելու համար հիմնականում կվատնվի հենց Իրանի ներքին ռեսուրսը»: