«Փաստաբանների համար սա որոշ հնարավորություններ է բացում միջազգային հարթակներում»․ Արեն Ափիկյան

Բիզնես խորհրդատու Արեն Ափիկյանը ֆեյսբուքյան իր էջում գրել է. «Ինչքան էլ անձամբ իմ համար ցավալի է լսել Ռուբենի և Արցախի մնացած ղեկավարների դատապարտման լուրը, ես ավելի շատ դրական եմ դրան նայում: Մինչև այս պահը նրանք ունեին մեղադրյալի կարգավիճակ, ինչը որոշ սահմանափակումներ էր դնում միջազգային իրավական գործողություններ իրականացնելու, Ալիևի վրա ճնշումներ իրականացնելու ուղղությամբ: Իհարկե ես այդքան միամիտ չեմ, որ հավատամ, որ Ալիևը մեկ էլ վախեցավ ինչոր միջազգային դատարանի որոշումներից, ճիշտ հակառակը՝ խորը թքած ունի, հատկապես, երբ գիտի որ իրա ստեղի թայը նույնպես խորը թքած ունի, ավելին՝ ուրախ է:
Բայց Ռուբենի և մնացածների փաստաբանների համար սա որոշ հնարավորություններ է բացում միջազգային հարթակներում: Շատ մեծ օպտիմիզմ չունեմ, բայց կարծում եմ, որ Ալիևը նրանց պատանդ է պահելու այնքան ժամանակ, որքան սրանց վրա վերահսկողություն ունի: Իսկ երբ սրանցից կազատվենք և Ալիևը այդ մի լծակը կկորցնի, այ էդ ժամանակ կսկսի առևտուրը:
Ազատություն բոլոր մեր գերիներին Ադրբեջանում և քաղբանտարկյալներին Հայաստանում»: