Իրանում լրջորեն վնասվել են մոտ 30 հիվանդանոց և 40 բժշկական կենտրոն

6161

Երեքշաբթի, 10 մարտի, 2026 թ., 00:37

Ռմբակոծությունների սկզբից ի վեր երկրում լուրջ վնաս է հասցվել մոտ 30 հիվանդանոցի և ավելի քան 40 բժշկական կենտրոնի, հայտնում է Իրանի արտակարգ իրավիճակների կառավարման վարչության խոսնակը։
«Իսլամական Հանրապետության վրա հարձակումների հետևանքով լուրջ վնաս է հասցվել 29 հիվանդանոցի, 41 բժշկական կենտրոնի և 18 շտապօգնության մեքենաների բազայի»,- ասել է արտակարգ իրավիճակների կառավարման պաշտոնյան։ Նա նաև հայտնել է, որ «ռմբակոծությունների հետևանքով զոհված կանանց թիվը հասել է 200-ի, որոնցից ամենատարեց զոհը 88 տարեկան է»։

Իրանական Կարմիր մահիկի ընկերության վերջին զեկույցի համաձայն՝ փետրվարի 28-ից ի վեր ԱՄՆ-ի և Իսրայելի կողմից Հանրապետության վրա հասցված հարվածների հետևանքով զոհվել է առնվազն 1332 քաղաքացիական անձ, այդ թվում՝ կանայք և երեխաներ։