«Էդ որոշումն է, որ ինձ հնարավորություն է տալիս պեռաշկի ուտել»․ Նիկոլ Փաշինյան

«Իմ կարծիքով՝ պետական կառավարման համակարգը սկսեց ավելի մոտիվացված աշխատել, երբ որ սկսեցինք քննարկել արդյունքի վրա հիմնված համակարգը ներդնելու մասին»,- Կառավարության նիստում այս կարծիքը հայտնեց վարչապետ Նիկոլ Փաշինյանը։

«Տնտեսական 2 տոկոս աճն էլ շատ մեծ տոկոս է, և ես համոզված եմ, որ գործոններից մեկը, որ մենք այսօր կարող ենք սոցիալական ոլորտում պատմական փոփոխության հասնել, դա վարձատրության նոր համակարգն է, որը սկսել ենք ներդնել անցյալ տարվա առաջին կեսից։ Որպեսզի ընդդիմադիրները շատ չչարչարվեն, ասեմ, որ ես հիմա խոսում եմ պարգևավճարների համակարգի մասին, այն համակարգի մասին, որը միլիոնավոր դրամներ է բաշխում պետական պաշտոնյաներին։ Շատ ուրախ եմ և գոհ եմ, որ այդ որոշումները կայացրել եմ, որովհետև հիմա տեսնում եմ այդ որոշումների պատճառահետևանքային կապը։ Էդ որոշումն է, որ ինձ հնարավորություն է տալիս պեռաշկի ուտել։ Որովհետև ես տեսնում եմ, որ ինստիտուցիոնալ մակարդակի կայացման ավելի բարձր մակարդակ կա»,- նշեց Փաշինյանը։