Արամ Հարությունյանին բերման ենթարկեցին՝ արգելելով «պեռաշկիով» ակցիա իրականացնել

Ոստիկանները Կառավարության շենքի մոտից բերման ենթարկեցին «Ազգային համաձայնություն» կուսակցության նախագահ Արամ Հարությունյանին՝ թույլ չտալով ավարտել բողոքի ակցիան։ Նա կառավարության շենքի դիմաց արկղով կարկանդակներ էր բերել։

Մինչ ոստիկանները բերման էին ենթարկում՝ Հարությունյանը հայտարարեց․ «Գելխեղդի պեռաշկին է։ Նիկոլ Փաշինյան, դու միայն ապահով կարող ես լինել Ալիևի դռանը կապած, մեդալակիր շուն։ Այս պեռաշկին դու ուտելու ես շների հյուրանոցում, քեզ էդ էլ չի հասնում»։

Երբ լրագրողները հետաքրքրվեցին, թե ինչու են բերման ենթարկում, ոստիկաններից մեկը նշեց, որ չի կարելի կառավարության շենքի դիմաց արկղ դնել. «Մեզ համար այդ արկղը անհայտ էր, չգիտեինք ինչ ծագում ունի։ Կտանեն, կպարզեն՝ մեջն ինչ կա»։