«Կուզես դռնեդուռ ընկի, ոսկե սարեր խոստացի, միևնույն է՝ ժողովուրդը քեզ էլ չի հավատում»․ Մանուկյան

«Ապրելու երկիր» կուսակցության քաղաքական խորհրդի անդամ Դավիթ Մանուկյանի ֆեյսբուքյան գրառումը․ «Հնարավոր է ամբողջ ժողովրդին խաբել ինչ-որ ժամանակ, կամ ժողովրդի մի մասին՝ անընդհատ, բայց անհնար է անընդհատ խաբել ամբողջ ժողովրդին»:
Լինքոլնի այս խոսքերը հստակ բնորոշում են Հայաստանի ներկայիս իրավիճակը։
Փաշինյանը ժողովրդին խաբեց 2018 թվականին, մի մեծ մասին խաբեց 2021-ին, մի փոքր մասին կխաբի նաև 2026 թվականին։ Ահա և վերջ, անհնար է անընդհատ խաբել մարդկանց, անհնա՛ր է։
Կուզես դռնեդուռ ընկի, կուզես ոսկե սարեր խոստացի, դերասանություն արա, միևնույն է՝ ժողովուրդը քեզ էլ չի հավատում։ Եվ դա նորմալ է, բնական է, քանի որ դու անընդհատ խաբել ես։
2026-ին հաղթելու է ազնիվը. Սա կարևոր է, կենսական է, անհրաժեշտ է»։