Երկուշաբթի, 09 մարտի, 2026 թ.
|
Ստեփանակերտում`   +2 °C

«Ժողովուրդը նույնիսկ Արցախն ազատագրողների թերացումները չներեց»․ Հայկ Դերզյան

«Ժողովուրդը նույնիսկ Արցախն ազատագրողների թերացումները չներեց»․ Հայկ Դերզյան
126
Այսօր, 14:30

ՀՀԿ խորհրդի անդամ Հայկ Դերզյանի ֆեյսբուքյան գրառումը․ «Դե իհարկե, ուրիշների մասին առասպելը («50/50» և այլն) դու ու ձեր թերթոնը կարող էիք գրել, տարածել, զրպարտել, բայց քո «Դուբայի, Փարիզի ու Իտալիայի տների» մասին ժողովուրդը իրավունք չունի՞ խոսել:
Դուք, որ մեր ժողովրդի պատմության մեջ մնալու եք որպես կապիտուլյացված, ազգակործան իշխանության մարմնավորում՝ ինչո՞ւ ես մտածում, որ բյուջեի փողով սարքած ու գույնզգույն ներկած մանկապարտեզի ու կարկատաններով փողոցների համար մարդիկ պետք է շնորհակալ լինեն քեզ:
Մեր ժողովուրդը նույնիսկ Արցախն ազատագրողների, անվտանգություն ապահովողների ու պետություն կառուցողների թերացումները չներեց:
Ինչո՞ւ ես կարծում, որ հազարավոր երիտասարդ կյանքերի խորտակումը, Արցախում ներդրված միլիարդավոր դոլարների մսխումը, դավադրություններն ու պատմական հայրենիքի ուրացումը քեզ արդեն ներել են, ու հիմա քեզ պետք է գովերգեն ու շնորհակալ լինեն ինչ-որ մանկապարտեզի ու փողոցի կարկատանային վերանորոգման համա՞ր»:

Աղբյուրը`   Հայկ Դերզյան