«Փորձել էին տղայիս ու եղբորս միջոցով ազդել ինձ վրա, որ դնեմ մանդատս». Հակոբ Ասլանյան

Արձագանքելով ԱԺ նախագահ Ալեն Սիմոնյանի՝ իրեն ուղղված ելույթին, անկախ պատգամավոր Հակոբ Ասլանյանը լրագրողների հետ զրույցում ասել է. «Մի փոքրիկ բան, որ մինչև հիմա չեմ ասել. որպեսզի ինձ համոզեն, որ դնեմ մանդատս, տարբեր ճանապարհներով հասել էին Ամերիկաներն ու Աստրախանները, փորձել էին տղայիս ու եղբորս միջոցով ազդել ինձ վրա, որ դնեմ մանդատը»: Դիտարկմանը՝ դուք ՔՊ-ից էիք, գովում էիք, հիմա բարոյակա՞ն է այսպես արձագանքելը, Ասլանյանը նշել է. «Դուք ձեր կյանքում բոլոր էն մարդկանց հանդեպ, ում ճանաչել եք, մշտապես նույն վերաբերմո՞ւնքն եք ունեցել»:

Հիշեցնենք՝ Ասլանյանը երեկ ԱԺ-ի մոտ ակցիա իրականացնող քաղաքացիների հետ զրույցում ասել էր՝ «դիմացեք, մի երկու ամսից ռադ կանենք, կգնան»: