Սամվել Կարապետյանը բացահայտեց՝ ինչ են առաջարկել իրեն

«Հանդիպումներից մեկի ժամանակ ասացիք, որ հինգերորդ օրը ձեզ պայման էին առաջարկում՝ հայտարարություն արա, որ քաղաքականություն չես մտնելու ու ամեն ինչ լավ կլինի։ Ի՞նչ առաջարկ է եղել, ո՞ւմ կողմից, ի՞նչ պայմաններով»,- ասուլիսի ժամանակ դիմելով Սամվել Կարապետյանին՝ հարցրեց լրագրողը։ «Ուժեղ Հայաստան»-ի առաջնորդն ասաց, որ դա եղել է բանտախցի պայմաններում, առաջարկն արել են Մոսկվայի ընկերների միջոցով։ «Բայց նախքան դա, նույնիսկ մինչև ձերբակալելը, որ հազար հոգով հարձակվել էին տանս վրա, իրենք բարձր մակարդակով առաջարկություն են արել ինձ, որ գնամ, սուրճ խմեմ մի տեղ, հայտարարեմ, որ եկեղեցուն չենք պաշտպանելու, դրանից հետո թե՛ ՀԷՑ-ը, թե՛ ամեն ինչը, հետ է վերադարձվում։ Չեմ ընդունել առաջարկությունը»,- նշեց Կարապետյանը։