«Այն, ինչ որ այսօր անում է Նիկոլ Փաշինյանը, Սաակաշվիլու կրկնօրինակն է»․ Ռոբերտ Քոչարյան

«Ինչ որ անում է այսօր Նիկոլ Փաշինյանը, Սահակաշվիլու կրկնօրինակն է: Նա էլ էր նման քայլերով հրահրում պրոբլեմներ Ռուսաստանի հետ, ապա փորձում էր Արևմուտքում աջակցություն փնտրել»,- Հանրային հեռուստաընկերության եթերում այս կարծիքն է հայտնել «Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանը։

«Մի՛ մխրճվիր խոշոր երկրների հետ բախման մեջ, փորձի՛ր համագործակցություն փնտրել այդ երկրների հետ այն դաշտում, որտեղ իրենք կարող են համագործակցել, մի՛ խաղա մեծ երկրների տարաձայնությունների վրա, փորձելով ինչ-որ բան փնտրել կա՛մ այստեղ, կա՛մ այնտեղ։ ՀՀ վարչապետը փորձում է հակասությունների վրա խաղալ, վիճակը լարել, արտաքին հարաբերություններում սա չափազանց վտանգավոր է․․․ Գինը ժողովուրդն է վճարում»,-հավելել է Քոչարյանը։