«Սատկացնել, կզացնել, բոմժ» բառերի համար Պետրոս Ղազարյանն անջատեց Արտակ Սարգսյանի բարձրախոսը

«Քոչարի ազգային վերածնունդ և ազգի զարթոնք» կուսակցության առաջնորդ Արտակ Սարգսյանը նախընտրական մեծ բանավեճի ժամանակ դիմեց Նարեկ Կարապետյանին. «Եթե պարտվեցիք, նստելու եք, սպասեք, տեսնեք, թե ոնց են ձեր հոպարին սատկացնում, կզացնում...»
«Հոպ, հոպ, հոպ, ոչ մի վիրավորական խոսք իմ տաղավարում ես թույլ չեմ տալիս»,- միջամտեց հաղորդավար Պետրոս Ղազարյանը:
«Մի րոպե, այսինքն Ալեն Սիմոնյանը վիրավորա՞նք էր ասում»,- երկակի ստանդարտների դեմ դժգոհեց Արտակ Սարգսյանը:
«Ես չգիտեմ Ալեն Սիմոնյանն ինչ էր ասում, վերաձևակերպեք հարցը, կամ ձեր ձայնը կտրում եմ»,- սպառնաց Պետրոս Ղազարյանը:
«Լավ, վերաձևակերպեմ հարցը՝ նայում եք՝ հոպարը ո՞նց ա բոմժ դառնում, թե...»,- խոսքը չկարողացավ ավարտել Արտակ Սարգսյանը, երբ Պետրոս Ղազարյանը հրահանգեց՝ «կտրեք ձայնը». բարձրախոսն անջատվեց: