Սահմանադրական մեծամասնության բացակայությունը ՔՊ-ում ուրախությամբ են ընդունել. «Հրապարակ»

«Հրապարակ»-ը գրում է. «ՔՊ-ի՝ սահմանադրական մեծամասնություն չստանալու փաստն ուրախությամբ են ընդունել նաև ՔՊ-ի ծպտյալ ռուսամետները և գործարար խավը, քանի որ, նրանց կարծիքով՝ Նիկոլ Փաշինյանը դրանով հնարավորություն է ստանում իրեն Ռուսաստանի դեմ քայլերի մղող Արևմուտքի առջև մանևրելու, նրա պարտադրանքին չենթարկվելու և կարող է առաջիկայում էլ ժամանակ ձգել ու Ռուսաստանի դեմ ակտիվ գործողությունների չգնալ:
Ասենք, ԵԱՏՄ-ից դուրս չգալ, 102-րդ ռազմաբազայից չհրաժարվել և այլն, ինչի մասին երեկ, ի դեպ, ակնարկներ կային եվրոպացիների շնորհավորական ուղերձներում, որոնք իրենց համարում են Փաշինյանի այս հաղթանակի լիիրավ փայատեր և փորձելու են ավելի կոշտ քայլերի դրդել նրան՝ Ռուսաստանի դեմ։

Չունենալով սահմանադրական մեծամասնություն և խորհրդարանում ունենալով ռուսամետ, գոնե՝ Ռուսաստանի հետ բնականոն հարաբերություններ կառուցելու կողմնակից ընդդիմություն, Փաշինյանը, ըստ մեր զրուցակցի, կարող է մանևրել և չկատարել Եվրոպայից եկող վտանգավոր հրահանգները»: