«Իշխանությունը լուծում է հետընտրական զարգացումները կանխելու խնդիրը»․ Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը․ «ԲՀԿ-ի շուրջ ստեղծված իրավիճակը բացառապես նպատակ ունի կանխել հնարավոր հետընտրական զարգացումները:
Պարզ մեծամասնության, 3/5-րդի, սահմանադրական մեծամասնության վերաբերյալ վերլուծություններն օրվա իշխանության օրակարգն են սպասարկում: Այդ բոլոր «վերլուծությունների» հիմքում 2-6 պատգամավորական մանդատի խնդիր է դրված: Վստահ եղեք՝ առկա իրավիճակում իշխանությունն օրվա ընդդիմության շարքերում հեշտությամբ կգտնի թվով 2-6 ճամբարափոխ մանդատակիր: Իշխանության համար դա խնդիր չէ: Վերջինս տվյալ պահին լուծում է հետընտրական զարգացումները կանխելու խնդիրը: Նպատակը՝ իշխանությանն անցնցում տիրանալն է: Իսկ հետո՞: «Հետոն» ցույց կտա:
Համատարած վերահաշվարկը, ԲՀԿ-ի անցնել-չանցնելը, որոշ ընտրատեղամասերում կրկնակի քվեարկություն, մանդատներ վերցնել-չվերցնելն իշխանության կողմից ներդրված, հասարակությանը շեղող օրակարգ է:
Ինչպես երևում է օրվա իշխանությանը հաջողվում է օրակարգ թելադրել: 2026 թվականի ՀՀ ԱԺ-ի ընտրությունները նորանկախ Հայաստանի պատմության մեջ կհիշվեն որպես ՄԻԱԿ հետընտրական զարգացում չունեցող ընտրություններ:
Անկախ Փաշինյան Նիկոլի հանդեպ ունեցած վերաբերմունքից, եկեք փաստենք, որ վերջինս ցուցաբերում է բարձր քաղաքական պիլոտաժ»: