Կիրակի, 20 սեպտեմբերի, 2026 թ.
|
Ստեփանակերտում`   +15 °C

Կոնգոյում անհայտ հիվանդությունից մահացել է առնվազն 14 մարդ

Կոնգոյում անհայտ հիվանդությունից մահացել է առնվազն 14 մարդ
9869
Երկուշաբթի, 22 հունիսի, 2026 թ., 23:47

Կոնգոյի Դեմոկրատական ​​Հանրապետության արևմուտքում անհայտ վիրուսից մահացել է առնվազն 14 մարդ։ Տեղական «Օկապի» ռադիոկայանը հաղորդում է, որ պատգամավոր Ժակ Իլունգան հայտնել է հիվանդության տարածման մասին Կվիլու նահանգում։

19 օրվա ընթացքում հիվանդությունը հարվածել է Բուլունգու շրջանի մի քանի գյուղերի բնակիչներին։ Իրավիճակը խուճապ է առաջացրել, ընտանիքները զանգվածաբար փախչում են։ Նահանգի առողջապահության նախկին նախարար Բենա Մուտուին հաստատել է բռնկումը և հայտնել 20 մահվան դեպքի մասին։ Ախտանիշներից են գլխացավը, փսխումը, որովայնի և ծնկի ցավը։ Մահը կարող է տեղի ունենալ առաջին ախտանիշներից հետո 24 ժամվա ընթացքում։ Ժակ Իլունգան կոչ է արել իշխանություններին արտակարգ իրավիճակների արձագանքման խմբեր ուղարկել տուժած համայնքներ։ Մասնագետներն արդեն հավաքել են նմուշներ և լաբորատորիայում կենսաբժշկական վերլուծություններ են անցկացնում։

Ավելի վաղ Կոնգոյի Դեմոկրատական ​​Հանրապետությունում հաստատվել էր Էբոլայի բռնկում, և ԱՀԿ-ն հայտնել էր դրա արագ տարածման մասին։ Արդյունքում, հարևան երկրները փակել են իրենց սահմանները Կոնգոյի Դեմոկրատական ​​Հանրապետության հետ, մինչդեռ մյուս պետությունները ուժեղացրել են օդանավակայաններում սանիտարահիգիենիկ և համաճարակաբանական մոնիթորինգը։

Հունիսի 20-ին Իսրայելում հայտնաբերվել է Էբոլայով վարակված առաջին կասկածելի հիվանդը։