«Տարաձայնություններ մեզ մոտ եղել են մենակ ընտրությունների ժամանակ ու վերջ»․ Տիգրան Արզաքանցյան

Քաղաքան գործիչ Տիգրան Արզաքանցյանը ֆեյսբուքյան էջում անդրադարձել է իր կնոջ նկատմամբ բռնություն կիրառելու վերաբերյալ շրջանառվող լուրերին՝ գրելով․ «Որոշել էի չխոսել այս թեմայի մասին, բայց քանի որ շատ հարցեր եմ ստանում, որոշեցի ներկայացնել իմ դիրքորոշումը։
Մեր առաջին լուրջ վեճը եղել է հեռախոսազրույցի ընթացքում, ու ինձ համար անհասկանալի է, թե ինչպես կարող էի հեռախոսով բռնություն գործադրել, մինչդեռ այսօր հենց այդպիսի մեղադրանքներ են հնչում իմ հասցեին։
Համոզված եմ նաև, որ այս իրավիճակի վրա իր ազդեցությունն է ունեցել մի մարդ, ում ես շատ լավ ճանաչում եմ։ Անուններ չեմ նշի, բայց ուզում եմ հիշեցնել՝ կյանքում գործում է բումերանգի օրենքը, և յուրաքանչյուր մարդ մի օր պատասխան է տալիս իր խոսքերի ու արարքների համար»։

«Ես միշտ եղել եմ սիրով, հարգանքով իմ տիկնոջ հանդեպ՝ մինչև հիմա․․․ Շատ եմ ցավում, որ իմ տիկինը վատ հոսանքի ազդեցությամբ դիմել է ոստիկանություն․․․ Ընտանիքներում լինում են անախորժ խոսակցություններ, հավատացեք, մեր ընտանիքում չի եղել, տարաձայնություններ մեզ մոտ եղել է մենակ ընտությունների ժամանակ ու վերջ»։