«Անվտանգության աշխատակիցներին վախեցնելով, ֆիզիկական ուժ գործադրելով, ներխուժել են տարածք»․ Արտյոմ Պողոսյան

«Խուզարկությունները սկսվել են առավոտյան, երևի 07։30-ից 08:00-ն ընկած ժամանակահատվածում, միանգամից լայնածավալ, այսպես ասած՝ գրոհելով, նույնիսկ անվտանգության աշխատակիցներին վախեցնելով, թե կձերբակալեն. ֆիզիկական ուժ գործադրելով ներխուժել են տարածք, ներկայացել են որպես ՔԿ աշխատողներ»,- լրագրողների հետ զրույցում հայտնել է «Արարատցեմենտ»-ի գլխավոր տնօրենի ժամանակավոր պաշտոնակատար Արտյոմ Պողոսյանը։ «Որպես այդպիսին՝ ներկայացնում են, որ կա խուզարկություն անելու դատարանի որոշում, բայց դատարանի որոշման մեջ նման բան չկա, նույնիսկ գրված է, որ աշխատասենյակներում, հարակից տարածքներում խուզարկությունն արգելվում է, բայց նրանք ասում են՝ մենք մեր գործողությունն անում ենք, գնացեք բողոքեք»,- նշել է Պողոսյանը: