Ադրբեջանը բռնազավթված Շուշիում ընդունել է հակառուսական հռչակագիր

Ադրբեջանի կողմից բռնազավթված հայկական Շուշի քաղաքում «Մշակութային և էթնիկ բազմազանություն. պատմության դասեր, արդի մարտահրավերներ» թեմայով համաժողով է տեղի ունեցել, որին մասնակցել են գործիչներ Ադրբեջանից, ԱՄՆ-ից, Ֆրանսիայից, Լիտվայից, Լեհաստանից, Չեխիայից, Գերմանիայից, Իսրայելից, Թուրքիայից և Վրաստանից, հաղորդում են ադրբեջանական լրատվամիջոցները։
Միջոցառման ժամանակ ընդունվել է հռչակագիր, որում կոչեր են հնչում Ռուսաստանին․
«Դասեր քաղել անցյալից, ճանաչել չերքեզների և այլ ժողովուրդների ցեղասպանությունը, հրաժարվել զանգվածային սպանություններին առնչություն ունեցող անձանց հերոսացումից, ապահովել պատմական թեմաներով արխիվային նյութերի հասանելիությունը, ինչպես նաև խափանել շովինիզմի, քսենոֆոբիայի դրսևորումները և սափրագլուխների խմբավորումների ու նրանց ժամանակակից նմանակների կողմից ոչ ռուս ժողովուրդների ներկայացուցիչների վրա հարձակումները։
Դադարեցնել ճնշումների, հետապնդումների, շանտաժի և ազատազրկման միջոցով Ռուսաստանի էթնիկ փոքրամասնությունների՝ չերքեզների, լեզգիների, ավարների, թաթարների, կումիկների, չեչենների, յակուտներ, բուրյաթների և այլ ոչ ռուս ժողովուրդների ներկայացուցիչների բռնի ուղարկումը Ուկրաինայի ռազմաճակատ»։
Բանախոսները հանդես են եկել զեկույցներով հետևյալ թեմաներով․
«Կովկասի ժողովուրդների նկատմամբ Ռուսաստանի գաղութատիրական քաղաքականության դասերը»
«Չերքեզների ցեղասպանության և «Մեծ աքսորի» միջազգային ճանաչման հարցը»
«Չերքեզների ցեղասպանության հետևանքները և առաջիկա խնդիրները»
«Էթնիկ և մշակութային անհանդուրժողականությունը Ռուսաստանում. բնիկ ժողովուրդների բռնի ներգրավումը Ուկրաինայի պատերազմում»
«Ղարաբաղյան հաղթանակը և ռուսական օկուպացիայի վերջը»:

«Նոր սարքավորումները փոխել են ուղեղը մարզելու անհրաժեշտությունը. ո՞նց ենք դպրոցում աշխատում կենտրոնացման վրա». Սոնա Ղազարյան
012:00
«Եվրոհանձնաժողովը լայնածավալ հաքերային հարձակման է ենթարկվել»․ # Politico
5011:49
«ՀՀ-ի սպորտում ահավոր մեծ է իներցիան, որը գալիս է Սովետական Միությունից». Արայիկ Հարությունյան
4911:24
«Քրեական վարույթով հիմնավորվել է՝ Վարդան Ղուկասյանը իր պաշտոնեական դիրքն օգտագործել է ի վնաս պետական և ծառայողական շահերի». Հակակոռուպցիոն կոմիտե (տեսանյութ)
5711:00
«Եթե սկսում եք մեքենաները պակասեցնելուց, ապա՝ առաջինը ձեզանից». Հակոբ Բադալյան
6410:30
ԱԺ նիստը՝ ուղիղ միացմամբ (տեսանյութ)
5510:00
«Միայն Փաշինյանն իր քպ-ականներով կարող էր այնպես անել, որ մարդիկ սկսեն վախենալ «խաղաղություն» բառից». Արա Պողոսյան
7809:06
Շրջանների զգալի մասում սպասվում են տեղումներ (լուսանկար)
6208:36