«Վերջներս ի՞նչ ա լինելու, ապառիկներ ունենք». «Արարատցեմենտ»-ի աշխատակիցները հավաքվել են գործարանի դիմաց

«Արարտցեմենտ»-ի աշխատակիցները հավաքվել են գործարանի դիմաց և բողոքում են, որ գործարանի կապարաքնքման պատճառով չեն աշխատում:

«Այդ մարդիկ կոնկրետ պատվեր են իրականացրել, եկել են, պետք ա եղել՝ փակել ու գնացել են»,- «Արարատցեմենտ»-ի դիմաց շխատակիցների հավաքի ժամանակ ասել է տնօրեն Արտյոմ Պողոսյանը: Նա նշել է, որ ինքն էլ ժողովրդի նման ոչ մի բան չգիտի: «Քննչական կոմիտե էլ ենք դիմել, ասել ենք՝ այդ դրված պլոմբները հանեք, կարողանանք աշխատանքը կազմակերպել: Բայց մինչև այսօր այս պահանջով ոչ մի նորություն չկա»,- հավելել է նա:

Իսկ աշխատակիցներն էլ նշում են, որ վարկեր ունեն և չգիտեն, թե ոնց պետք է մարեն: «Այսքան ժողովուրդը ապառիկ ունի, էսա ամսվա կեսին կգան, կասեն՝ գույքդ կալանավորեցինք: Մենք որտե՞ղ մեր իրավունքը պահենք: Բա հիմա վերջներս ի՞նչ է լինելու»,- ասել է աշխատկիցներից մեկը: