Վրաստանում փոխվել են օտարերկրացիներին աշխատանքային կացության թույլտվության տրամադրման կարգը և պայմանները

Վրաստանի կառավարության որոշմամբ՝ փոփոխվել են օտարերկրացիներին աշխատանքային կացության թույլտվության տրամադրման կարգը և պայմանները, գրում է aliq.ge-ն:
«Վրաստանում կացության թույլտվության տրամադրման հարցի քննարկման և որոշման կարգը հաստատելու մասին» որոշման մեջ հուլիսի 9-ին ընդունված փոփոխություններով հստակեցվել է, որ եթե օտարերկրացին իրականացնում է «Աշխատանքային միգրացիայի մասին» օրենքով նախատեսված գործունեություն, ապա, այլ փաստաթղթերի հետ մեկտեղ, նա պետք է ներկայացնի այդ գործունեությունը հավաստող փաստաթուղթ։
Եթե օտարերկրացին օբյեկտիվ պատճառներով չի կարող ներկայացնել ստանդարտ տեղեկանքներ, հնարավոր է ներկայացնել այլ հավաստի ապացույցներ, որոնք կհաստատեն, որ գործատուի տարեկան շրջանառությունը համապատասխանում է պահանջներին։ Մասնավորապես՝ շրջանառության նվազագույն շեմը կազմում է 50 հազար լարի յուրաքանչյուր օտարերկրացու համար սովորական ձեռնարկությունների դեպքում և 35 հազար լարի յուրաքանչյուր օտարերկրացու համար՝ կրթական և բժշկական հաստատությունների դեպքում։
Եվս մեկ փոփոխություն վերաբերում է նորաստեղծ ընկերություններին. եթե ընկերությունը հիմնադրվել է 3 ամսից ոչ շուտ, ունի առնվազն 3 օտարերկրացի աշխատակից, և տվյալ օտարերկրացու համար աշխատանքային կացության թույլտվությունը տրվում է առաջին անգամ, ապա շրջանառությունը հավաստող փաստաթղթեր ներկայացնելու անհրաժեշտություն այլևս չկա։ Դրա փոխարեն ներկայացվում է միայն ընկերության տեղեկանքն օտարերկրացի աշխատակիցների թվի վերաբերկալ։ Այդուհանդերձ, նման դեպքերում կացության թույլտվությունը տրվում է միայն 6 ամիս ժամկետով։
Որոշակի դեպքերում աշխատանքային կացության թույլտվություն հայցող օտարերկրացուց կարող է պահանջվել տեղեկատվություն ներկայացնել ձեռնարկության չափի կատեգորիայի (կամ հանրային հետաքրքրություն ներկայացնող անձի կարգավիճակի) վերաբերյալ։ Այս տվյալները հիմնվում են Հաշվապահական հաշվառման, հաշվետվությունների և աուդիտի վերահսկողության ծառայության պորտալում (reportal.ge) առկա հրապարակված տեղեկատվության վրա։

«Եթե սկսում եք մեքենաները պակասեցնելուց, ապա՝ առաջինը ձեզանից». Հակոբ Բադալյան
3610:30
ԱԺ նիստը՝ ուղիղ միացմամբ (տեսանյութ)
2510:00
«Միայն Փաշինյանն իր քպ-ականներով կարող էր այնպես անել, որ մարդիկ սկսեն վախենալ «խաղաղություն» բառից». Արա Պողոսյան
6809:06
Շրջանների զգալի մասում սպասվում են տեղումներ (լուսանկար)
5308:36
«Ի՞նչ նպատակ է հետապնդում ընդդիմությունը՝ փորձելով Նիկոլից ոչ պակաս դեբիլացնել ժողովրդին». Արգիշտի Կիվիրյան
13101:00
Եվրոհանձնաժողովն առաջարկել է Ուկրաինային տրամադրել 45 միլիարդ եվրոյի նոր վարկ
28500:55
«Գավառական շուստրիությամբ մեզ մի առաջարկեք դառանալ ձեր հանցակիցը». Իշխան Սաղաթելյան
13000:06
«Նոր խնդրի առաջ ենք՝ ինչպե՞ս պաշտպանել մեր ջրային ռեսուրսները դավաճաններից». Հովհաննես Իշխանյան
130Երեկ, 23:42