«Առաջիկա 10 օրերին սաստիկ շոգեր չեն կանխատեսվում»․ Գագիկ Սուրենյան

Հանրապետության գլխավոր հիդրոօդերևութաբան Գագիկ Սուրենյանը հայտնում է. «Այսօրվանից մեր երկիր ներթափանցում են ցուրտ օդային հոսանքներ։ Այսօր ցերեկային ժամերին, երեկվա հետ համեմատած, երկրի ողջ տարածքում օդի ջերմաստիճանը կնվազի 4-5 աստիճանով։ Հանրապետության ամենատաք գոտիներում՝ Սյունքի հովիտներ, Արարատյան դաշտ, Երևան, ցերեկային ժամերին ջերմաստիճանը չի գերազացնի 33-35 աստիճանը։

Առաջիկա 10 օրերին հանրապետության տարածքում ուժեղ շոգեր, այսինքն՝ 40 և բարձր ջերմաստիճան չեն կանխատեսվում։

Առաջիկա 5 օրերին երեկոյան ժամերին և գիշերը հանրապետության մի շարք շրջաններում կզարգանա ամպրոպային ամպամածություն, սպասվում են կարճատև անձրևներ, առանձին շրջաններում հնարավոր է կարկուտ, ամպրոպների ժամանակ սպասվում է քամու ուժգնացում մինչև 20 մ/վ արագության։ Երեկոյան ժամերին ամպրոպային բնույթի կարճատև անձրևների հավանականություն կա նաև Երևանի առանձին հատվածներում»։