«Էս երեխեքին մարզվել է պետք, պատրաստվում ենք մրցաշարերի»․ մարզիկներն Օլիմպավանի դիմաց մարզումներ են անում

Տարբեր մարզաձևերի մարզիկներ հավաքվել են Օլիմպավանի կապարակնքված դարպասների մոտ և որպես բողոքի ակցիա հենց դրսում անց են կացնում իրենց մարզումները։
«Էս երեխեքին մարզվել է պետք, հենց հիմա իրենք պատրաստվում են 26-ի մրցաշարերին։ Ես տարածքային տեղ չունեմ, Օլիմպավանը չեն բացում, իսկ մենք պետք է մարզումներն անենք։ 107 հոգի են, որից օրինակ 20 հոգին կարողանում է գնալ այլ դահլիճներ, մնացածը չեն կարողանում, ես ի՞նչ անեմ, դադարեցնե՞մ, ասեմ՝ ոչ մի մրցում, ոչ մի բան։ Ոնց հասկանում եմ, այս ամենը երկար է տևելու, ստիպված մրցումներից հետո պետք է արձակուրդ տանք։ Մենք մեր ազգին թուլացնում ենք»,- նշել է մարզիկ Էրիկ Օհանյանը։