«Շատերը ձև են տալիս, թե աշխատում են». Սամվել Գևորգյան

Բիզնես-փորձագետ Սամվել Գևորգյանի ֆեյսբուքյան գրառումը․ «Շատերը ձև են տալիս, թե աշխատում են: Ձև տալը, թե օգտակար գործ է արվում, լուրջ «մասնագիտություն է»: Ոչ բոլորը կարող են պրոֆեսիոնալ մակարդակ ապահովել: Պատկերացրեք, ինչքան ջանք ու երևակայություն պետք է մարդ ունենա, որ անընդհատ ձև տա, թե աշխատում է ու դա ուրիշները «չնկատեն»:
Իրականում, համատարած խնդիր է: Առավել ընդունված պրակտիկա է միջազգային կազմակերպություններում, պետական հիմնարկներում և խոշոր ընկերություններում: Շատ ձև տվողներ մնում են «աննկատ»: Փոքր բիզնեսներում դա շատ ավելի ցայտուն է արտահայտվում. բոլորը բոլորի մասին համարյա ամեն ինչ գիտեն: Բայց դե, սա խոչընդոտ չէ ձև տվողներին իրենց «մասնագիտական ունակությունները» կիրառելու համար:
Ճիշտ է, ձև տալը շատ «օգուտներ» ունի: Սակայն... Օրը, շաբաթը, ամիսն անցնում է ու պարզվում է, իրենց կյանքում որակական առումով բան չի փոխվել: Թերևս, միայն այդ մեկ ամսվա աշխատավարձը՝ ձև տալու համար, որ «աշխատել են»»: