Լուվրի «Ապոլլոն» պատկերասրահը վերաբացվում է կողոպուտից հետո

Լուվրի «Ապոլլոն» պատկերասրահը, որը թալանվել էր 2025 թվականի հոկտեմբերին, վերաբացվել է այցելուների համար։ Ըստ «The New York Times»-ի՝ սենյակում այժմ ցուցանմուշներ չկան:

Պատկերասրահը բաց է հուլիսի 23-ից։ Բոլոր ցուցանմուշներն ու ցուցափեղկերը տեղափոխվել են մեկ այլ վայր, որը թանգարանի վարչակազմը համարում է ավելի անվտանգ։ «Այցելուները հնարավորություն կունենան ավելի լավ հասկանալ, որ գտնվում են պալատում։ Մի փոքր տարօրինակ է տեսնել այս սենյակը դատարկ, բայց հենց դա էր դրա նպատակը։ Այն հանրային ընդունելության վեհաշուք պատկերասրահ էր», - բացատրել է Լուվրի նոր տնօրեն

«Ապոլլոն» պատկերասրահը փակ էր կողոպուտից հետո։ Գողերը ներխուժել էին թանգարան և գողացել ութ զարդ, որոնց արժեքը գերազանցում է 100 միլիոն դոլարը։ Լուվրի տնօրեն Լորենս դե Կարը հրաժարական էր տվել միջադեպից հետո։

Ավելի վաղ Լուվրի կողոպուտի մեջ կասկածվող տղամարդիկ քննիչներին հայտնել էին, որ կողոպուտի ենթադրյալ կազմակերպիչը դժգոհ է եղել ավարից՝ պնդելով, որ հանցագործները կարող էին ավելին վերցնել թանգարանից։