«Այստեղ Հայկ Կոնջորյանի մեղավորություն փնտրելը տեղին չէ»․ Արսեն Թորոսյան

«Այս գործին պետք է երկու տեսանկյունից նայել՝ քրեաիրավական՝ մեր իրավապահ մարմինները պետք է պարզեն եղելությունն ու եթե մեղավորներ կան, համապատասխան օրենքով սահմանված կարգով ընթացք տրվի, երկրորդ՝ կուսակցական կարգապահական տեսանկյունից»,- անդրադառնալով ՔՊ-ական Հայկ Կոնջորյանի եղբոր՝ Ավետ Կոնջորյանի հետ կապված իրադարձություններին, ասաց Աշխատանքի և սոցիալական հարցերի նախարար Արսեն Թորոսյանը։ «Մենք կուսակցությունում ունենք ինստիտուտներ, որոնք գործել են և գործում են, նաև ունեցել ենք այնպիսի դեպքեր, երբ կուսակցությունից մարդկանց ենք հեռացրել՝ տարբեր պատճառներով։ Ինչ վերաբերում է Հայկ Կոնջորյանին՝ այստեղ նրա մեղավորություն փնտրելը՝ տեղին չէ։ Հայկն ի՞նչ կապ ունի այստեղ»,- նշեց նախարարը։