Դատարանը մերժեց Աշոտ Մինասյանին վաղաժամ ազատ արձակելու վերաբերյալ միջնորդությունը

Սիսական» ջոկատի հրամանատար Աշոտ Մինասյանը («Աշոտ Երկաթը») կշարունակի մնալ անազատության մեջ։ «Սպուտնիկ Արմենիայի հետ զրույցում այս մասին ասել է նրա փաստաբան Միհրան Պողոսյանը։
Երևանի առաջին ատյանի դատարանը, Նելլի Բաղդասարյանի նախագահությամբ, մերժեց պաշտպանական կողմի ներկայացրած միջնորդությունը՝ Մինասյանին վաղաժամ ազատ արձակելու վերաբերյալ։
«Հաշվի առնելով գործի քննության ընթացքը՝ մենք չենք բացառում, որ միջամտություններ են տեղի ունեցել, և հստակ կարող ենք եզրակացություն կատարել, որ այդ որոշումը իրավաբանության հետ ընդհանրապես կապ չունի։ Իրավական հակափաստարկ ընդհանրապես գոյություն չուներ, թե ինչու Աշոտ Մինասյանը չպիտի ազատ արձակվի»,- նշեց Պողոսյանը։
Դատական նիստը տեղի է ունեցել 10 օր առաջ, որոշումը հրապարակվել է այսօր, պաշտպանական կողմի գնահատմամբ՝ անիմաստ հետաձգելուց հետո։
Հիշեցնենք՝ «Սիսական» ջոկատի հրամանատար Աշոտ Մինասյանը՝ «Աշոտ Երկաթը», 2025թ–ի հոկտեմբերի 16–ին դատապարտվեց երկու տարվա ազատազրկման։
Նա մեղադրվում է ապօրինի կերպով հրազեն, ռազմամթերք, պայթուցիկ նյութեր ձեռք բերելու, փոխադրելու ու պահելու համար։