«Ո՛չ Եվրոպայի որակն ունեք, ո՛չ էլ կարողանում եք Ռուսաստանին հասնել»․ Նաիրի Հոխիկյան

Լրագրող, հանրային գործիչ Նաիրի Հոխիկյանը ֆեյսբուքյան իր էջում գրել է․ «Զօրուգիշեր խոսում եք Եվրոպայի մասին, բայց ոչ Եվրոպայի որակն ունեք, ոչ էլ կարողանում եք Ռուսաստանին հասնել։
Ձեր սիրելի Գերմանիայում նույնիսկ գյուղական ճանապարհներն են ասֆալտապատում այնպես, որ պարբերաբար նորոգելու կարիք չլինի, ավելորդ ծախսի կարիք չառաջանա, իսկ Ռուսաստանն ընդհանրապես անհասանելի է ճանապարհաշինության որակի առումով։
Մինչդեռ Հայաստանում տարեկան երկու անգամ նույն ճանապարհը քանդում ու էլի ասֆալտ են անում։ Այդպես համ բյուջեից փող են ուտում, համ էլ գործ անելու ցուցամոլություն են անում։
Հայաստանում ամեն ինչ ցույց տալու վրա է, ոչ թե իրականության, ու երկրի կառավարման որակը կապ չունի ոչ Ռուսաստանի, ոչ էլ Եվրոպայի հետ»։