«Երկու ամիս է՝ որևէ գործողություն չի ձեռնարկվել»․ Պեդրո Զարոկյան

Երևանի ավագանու ընդդիմադիր անդամ Պեդրո Զարոկյանը ֆեյսբուքյան իր էջում գրել է․ «Արդեն մոտ երկու ամիս է, ինչ Նորք Մարաշը Նոր Նորքի հետ կապող Սուրեն Սաֆարյան փողոցի վրա ինչ-որ մեկը իր նորակառույց տան դիմաց տեղադրել է արագությունը սահմանափակող արհեստական անհարթություններ, որոնք խոչընդոտում են երթևեկության բնականոն ընթացքին։
Քաղաքապետարանն իր կից գրությամբ հաստատել է, որ այդ արհեստական անհարթությունները տեղադրվել են ապօրինի կերպով։ Հատկանշական է, որ դրանք գտնվում են Տիգրան Ավինյանի անձնական տան շատ մոտ։ Սակայն արդեն մոտ երկու ամիս է, ինչ որևէ գործողություն չի ձեռնարկվել, ինչը հիմք է տալիս կասկածելու կոռուպցիայի առկայությանը, քանի որ որևէ պետական մարմին պարզապես չի կարող այս աստիճան անգործունակ լինել»։