«Այնքան ենք այստեղ մնալու, մինչև մեր հարցերին հստակ պատասխան չստանանք»․ «Մուլտի գրուպ»-ի աշխատակից

«Անցած շաբաթ ակցիայի ժամանակ մեզ խոստացել էին, որ կքննարկեն մեր հարցերը և կպատասխանեն։ Մինչև երկուշաբթի սպասեցինք՝ պատասխան չկա, հիմա եկել ենք և այնքան ենք այստեղ մնալու, մինչև մեր հարցերին հստակ պատասխան չստանանք»,- Գագիկ Ծառուկյանին պատկանող «Մուլտի գրուպ»-ի աշխատակիցների բողոքի ակցիայի ժամանակ ասաց «Multi Grand Resort»-ի Ծաղկաձորի ռեստորաններից մեկի ներկայացուցիչը։ «Մեր հարցերը հստակ են․ ե՞րբ են բացվելու հիմնարկությունները, կալանքից ե՞րբ են հանվելու մեր բանկային հաշիվները և ո՞վ է վճարելու այսքան աշխատակիցների աշխատավարձերը, ովքեր հարկադիր պարապուրդի են մատնված, որովհետև սա ոչ իմ մեղքով է եղել, ոչ պարոն Ծառուկյանի, ոչ էլ այս մարդկանց, բոլորս ենք հասկանում, թե ում մեղքով է այս ամեն ինչը կատարվել»,- նշեց աշխատակիցը։

Հիշեցնենք, որ «Մուլտի գրուպ»-ի մի շարք ձեռնարկություններ դեռևս կապարակնքված են։