«Իմ տղային էլ են պառկեցրել գետնին․ իրավական գործընթաց է»․ Սերգեյ Բագրատյան

«Չեմ կարող մեկնաբանել իրավական որևէ գործընթաց, որը քննչականում է»,- «ՄակարյանՆյուզ»-ի եթերում ասել է ՔՊ-ական պատգամավոր Սերգեյ Բագրատյանը՝ մեկնաբանելով իր նախկին կուսակցության՝ ԲՀԿ-ի առաջնորդ Գագիկ Ծառուկյանի հետ կապված իրադարձությունները։ «Ձեզ դո՞ւր եկավ, թե ինչպես գետնին պառկեցնելով ձերբակալեցին Ծառուկյանին»,- հետաքրքրվել է լրագրողը։ «Ինձ դուր չի գալիս որևէ իրավախախտում կատարելը, օրենքներ շրջանցելը, բայց այդ նույն բաները բոլորիս հանդեպ արել են, իմ տղային էլ են պառկեցրել գետնին․ իրավական գործընթաց է։ Իսկ որ ինձ մնաց՝ կասեմ, թող որևէ մեկն այս կյանքում չտուժի»,- ի պատասխան ասել է Բագրատյանը: