«Մենք պարոն Կոնջորյանի թեկնածությունն ենք քննարկում, բայց տպավորություն է՝ «Հայփոստ»-ի տնօրեն ենք ընտրում»․ Հասմիկ Հակոբյան

«Մենք պարոն Կոնջորյանի թեկնածությունն ենք քննարկում՝ իբրև ԱԺ փոխնախագահ, բայց ինձ մոտ տպավորություն է, որ «Հայփոստ»-ի տնօրեն ենք ընտրում»,- ճեպազրույցի ժամանակ ասաց ՔՊ-ական պատգամավոր Հասմիկ Հակոբյանը՝ անդրադառնալով Հայկ Կոնջորյանի կնոջ՝ «Հայփոստ»-ի տնօրեն Շուշան Ալեքսանյանի վերաբերյալ ընդդիմության ելույթներին։ «Ընդդիմության ելույթները, դիտարկումները դրան են վերաբերում։ Բայց ավելի ճիշտ կլիներ, օրինակ՝ հարցնեին՝ ինչպիսի քաղաքականություն եք պատկերացնում, որ կվարեք այս կամ այն խնդրի կամ հարաբերությունների հետ կապված, ինչ գործիքակազմ կօգտագործեք։ Ես այս կեղծ օրակարգի մեջ չեմ ուզում մտնել, գիտեմ, որ պարոն Կոնջորյանի կինը շատ լավ աշխատակից է, ներսից է եղել՝ վարչության պետ է եղել, և մրցույթի է մասնակցել ու հաղթել»,- նշեց ՔՊ-ական պատգամավորը։