Սեուտան գրոհած 72,000 միգրանտներից 70,000-ը վերադարձել են Մարոկկո

Իսպանիայի ներքին գործերի նախարար Ֆերնանդո Գրանդե-Մարլասկան հայտարարել է, որ Սեուտա ժամանած 72,000 միգրանտներից 70,000-ը վերադարձել են Մարոկկո, ըստ El Pais-ի։
Նախարարի խոսքով՝ ԵՄ երկրները Սեուտայում միգրանտական ​​ճգնաժամի ընթացքում Իսպանիայի կառավարության գործողությունները ճանաչել են արդյունավետ։

Մարլասկան նաև նշել է, որ Իսպանիայի հետախուզական ծառայությունները որևէ հաղորդագրություն կամ նախազգուշացում չեն ստացել նմանատիպ իրադարձությունների կրկնության հնարավորության մասին։

ԵՄ երկրները համաձայնել են բարելավել հայտնաբերման և վաղ նախազգուշացման համակարգերը Սեուտա միգրանտների զանգվածային ժամանումից հետո և համերաշխություն են հայտնել Իսպանիայի հետ։

Իսպանիայի կառավարությունը նաև հայտարարել է Սեուտայում անչափահասների համար լրացուցիչ 25 միլիոն եվրոյի օգնության մասին։

Միգրանտների զանգվածային ժամանման հետևանքով զոհերի թիվը հասել է 75-ի։